LIVE TV
ടി ജെ ജ്ഞാനവേൽ സംവിധാനം ചെയ്യുന്ന 'വേട്ടയ്യനി'ൽ അഭിനയിക്കുകയാണ് തലൈവർ രജനികാന്ത് ഇപ്പോൾ. വലിയൊരു താരനിര തന്നെ ഭാഗമാകുന്ന സിനിമയുടെ ആദ്യ ഷെഡ്യൂൾ ഈയടുത്താണ് പൂർത്തിയായത്. സിനിമയുടെ അടുത്ത ഷെഡ്യൂൾ ഉടൻ ആന്ധ്രാപ്രദേശിൽ ആരംഭിക്കുമെന്ന റിപ്പോർട്ടുകളാണ് ഇപ്പോൾ വരുന്നത്.
ആന്ധ്രപ്രദേശിലെ കടപ്പയിലായിരിക്കും സിനിമയുടെ അടുത്ത ഷെഡ്യൂൾ ആരംഭിക്കുക. രജനികാന്തിനൊപ്പം ഫഹദ് ഫാസിലും റാണാ ദഗുബട്ടിയും ഈ ഷെഡ്യൂളിൽ ജോയിൻ ചെയ്യുമെന്നും പിങ്ക് വില്ല റിപ്പോർട്ട് ചെയ്യുന്നു. പൂർണ്ണമായി രജനികാന്ത് സ്റ്റൈലിൽ ഒരുക്കുന്ന സിനിമയായിരിക്കും ഇതെന്നും വേനൽക്കാല റിലീസായി വേട്ടയ്യൻ റിലീസ് ചെയ്യുമെന്നും സൂചനകളുണ്ട്.
അമിതാഭ് ബച്ചൻ, മഞ്ജു വാര്യർ, ദുഷാര വിജയൻ, കിഷോർ, റിതിക സിങ്, ജി എം സുന്ദർ, രോഹിണി, റാവൊ രമേശ്, രമേശ് തിലക്, രക്ഷൻ തുടങ്ങി വമ്പൻ താരനിര സിനിമയുടെ ഭാഗമാണ്. ചിത്രത്തിൽ പൊലീസ് വേഷത്തിലാണ് രജനികാന്ത് എത്തുന്നതെന്നാണ് വിവരം. ജ്ഞാനവേൽ തന്നെയാണ് ചിത്രത്തിൻറെ തിരക്കഥയും നിർവ്വഹിച്ചിരിക്കുന്നത്.
'സ്ത്രീവിരുദ്ധവും പുരുഷമേധാവിത്വവും, അനിമൽ ഒടിടിയിൽ നിന്ന് പിൻവലിക്കണം'; ചർച്ചഅനിരുദ്ധ് ആണ് സംഗീതമൊരുക്കുന്നത്. എസ്ആർ കതിർ ആണ് ഛായാഗ്രഹണം. ഫിലോമിൻ രാജ് ചിത്രസംയോജനവും അൻപറിവ് ആക്ഷൻ സംവിധാനവും നിർവ്വഹിക്കുന്നു. കലാസംവിധാനം- ശക്തി വെങ്കട്ട് രാജ്, മേക്കപ്പ്- ബാനു ബി, പട്ടണം റഷീദ്, വസ്ത്രാലങ്കാരം- അനു വർദ്ധൻ, വീര കപൂർ, ദിനേശ് മനോഹരൻ, ലിജി പ്രേമൻ, സെൽവം, സ്റ്റിൽസ്- മുരുകൻ തുടങ്ങിയവരാണ് മറ്റ് അണിയറ പ്രവർത്തകർ.
